好消息! 全球十大必看藝術展 「teamlab展」12月會黎到澳門啦!

週末去邊好? 近近哋去澳門都有好嘢睇!
呢個teamLab「舞動藝術展&未來遊樂園」就真係誠意之作!
喺過十萬呎嘅展覽互動空間,你可以睇到14組光影交織嘅新媒體藝術作品震撼登場!

teamLab嘅作品係以花、鳥、流水、森林等自然之物作為核心意象~
一共分咗兩部分:舞動藝術展、未來游樂園…

 

舞動藝術展

 

– 扎呼應燈森林


好靚啊! 呢個係全球首次展出嘅「呼應燈森林-一筆」~
當靠近燈具嘅時候,最近嘅燈具仲會發出強烈嘅光輝同音樂添!

 

– 水晶宇宙
利用LED技術將無數嘅發光物作為粒子配置喺呢個空間裡面,突破時空邊界!
除咗利用累積嘅光點打造震撼嘅視覺效果之外,你仲可以透過手機嘅互動操作,創造出屬於自己嘅光之宇宙添~

– 花與人,不為所控卻能共生
著上純白衣裙過去,花海就會喺你身上綻放,人和自然完美融合!
好浪漫喔~~ 一定要嚟Selfie啊!

 

舞動藝術展區其他作品:
– 冰冷的生命
– 水粒子的世界
– 被追逐的八咫鳥、追逐同時亦被追逐的八咫鳥、超越空間

除咗大人之外,未來遊樂園仲會展出另外8組兒童作品~
小朋友可以進入不同嘅項目,體驗各個故事場景㗎!

– 彩繪城鎮 + 彩繪城鎮立體紙模型
每個小朋友都可以喺呢度繪畫出自己心目中嘅「彩繪城鎮」,當中仲會有加速前進等互動裝置,增加喺小朋友繪畫嘅樂趣!
小朋友仲可以將畫好嘅圖進一步製作立體紙模型添!

 

– 遠古神靈故事
故事來自於文字,而文字來源於每一個象形圖騰~
當小朋友觸碰到象形文字(山、樹木、 鳥等),這些物象就會互相影響!
鳥會停係樹上、羊會遠離狼……

– 天才跳房子
地面上呢啲「○/△/□ 」符號係全部可以發出聲響㗎!
連續跳落同一樣嘅形狀或者顏色嘅符號上面仲會產生特別顏色同聲音添!
一於用盡全身去體驗吓啦!

未來遊樂園區其他作品:
– 彩繪水族館
– 光球管弦樂團
– 小人所居住的桌子
– 串聯吧!積木小鎮

teamLab目前已經成為全球最具影響力嘅數字化新媒體藝術創作團隊之一!
佢哋嘅作品連續兩年被全球知名網上雜誌「designboom」評為「全球十大必看藝術展」~

 

 

絕對值得花時間嚟睇吓!

澳門美高梅-美高梅展藝空間
地址:澳門外港新填海區孫逸仙大馬路澳門美高梅(美高梅展藝空間)
展覽日期:2017年12月1日至2018年2月28日
開放時間:星期一至五 下午1:30 – 晚上10:00, 假日及星期六、日 上午10:30 – 晚上10:00
入場費:MOP 150 / 澳門市民優惠 MOP 120
網址 :island.team-lab.com

Facebook Comments
覺得好請點讚:

 

覺得好的話, 請點讚支持~